Deixámosvos unhas recomendacións lectoras para o verán, e agardamos que teñades unhas boas, divertidas e lectoras vacacións, que abrades moitos libros, que aprendades moitas cousas e viaxedes a moitos lugares, e lembrade que, como dixo Walt Disney unha vez, nos libros hai mais tesouros que en todo o botín dos piratas da Illa do Tesouro.
Feliz Verán!
Tal e como di o refrán, en Abril, augas mil, así foi como pasou na nosa celebración Do día do Libro. Estabamos preparados para pasar unha xornada de lectura na Alameda, pero xusto no último momento comezou a chover, polo que tivemos que quedarnos no centro.
A pesares disto, o Apadriñamento Lector
deste día realizouse con éxito igual, xa que os recantos do noso centro,
renovado recentemente permítenos disfrutar de moita luz e recunchos moi
acolledores.
O Salón Internacional do Libro Infantil e xuvenil de Pontevedra, sempre nos da un chimpo de alegría antes de que chegue o mes dos libros en Abril.
Este ano, o Salón celebrouse desde o 6 ata o 22 de marzo, e o tema central foi a música: Que non pare a música!.
Tivemos, tamén,
a sorpresa e ledicia de recibir a visita de Orbil, a mascota da mostra, que
sempre recibimos con moitísimos nervios e ilusión.
Desde o noso
centro, os diferentes cursos que participaron na exposición, elexiron varios contos clásicos da editorial OQO, e decoraron, co permiso da mesma,
a súa particular visión das portadas, ao tempo que escoitabamos e cantábamos
as súas bandas sonoras. Mariluz
avestruz, Corre corre cabaciña, Cocorico…
E así, cun pouquiño
de arte, un chisco de música e moitísimas migallas de amor, estes contos
convértense na banda sonora da infancia dos nosos nenos e nenas.
Saúdos!
Encántanos o Día de Rosalía. Entrar na súa obra, é percorrer a paisaxe, a cultura e as costumes da nosa Galiza, e afondar nos sentimentos que lle impulsaban a escribir, tan intensos e fermosos versos. O alumnado reproduciu algunha destas xoias da súa emblemática obra Cantares Gallegos, por medio de cancións, como Alborada, versionada por Uxia ou Migallas na súa pegadiza interpretación do Eu ben vin estar o moucho.
Aquí vos deixamos recomendacións lectoras para Nadal.
Non fai falta ter moito tempo, para ler un pouquiño, sempre
hai un anaquiño.
Saúdos!
Este ano, durante todo o mes de novembro, mergullámonos na
lingua galega moito máis tempo do habitual que adicamos nas clases durante o noso
día a día, grazas ao programa Falamos +. A través de propostas
lúdicas, xogos, cantigas e retrousos, adiviñas e trabalinguas, incorporamos o
galego á nosa fala diaria. A sorpresa final destas actividades, foi a visita de
Cé, Orquesta Pantasma, que nos fixo
rir, cantar e bailar.
Deste xeito, podemos dicir, que case rematamos o primeiro
trimestre deste curso, falando, como cantamos con Uxia Lambona e a banda Molona…..máis galego!
Mouchos, Curuxas, Sapos e
Bruxas……. chegou o Samaín e Halloween ao noso cole….., con decoracións
extraordinarias feitas polas nosas familias e orixinais disfraces e
caracterizacións do alumnado e profesorado!
Os fantasmagóricos relatos de medo
tiveron as nosas emocións en vilo, desde a novidade dos nenos e nenas de 3
aniños, ata os menos asustadizos maiores de sexto, pero disfrutamos moitísimo!
Qué sería deste día sen esas lecturas! Grazas familias!
Boas, familias,
Arrancamos o novo curso! Logo de coller folgos no verán,
volvemos con enerxía e ledicia, un ano máis. O noso cole está precioso,
luminoso, espacioso…da moito gusto recoñecer os recantos de sempre con outra
mirada, que nos fan sentir mellor que nunca, renovados e actualizados.
E como non, Evaristo danos a súa benvida o seu día grande, o 24 de Outubro, día das Bibliotecas Escolares, onde celebramos un ano máis,
compartindo un agasallo cos nosos e nosas compis do cole. Un marcapáxinas personalizado
por nós, para lembrar este día, ao tempo que lemos a nosa nova aventura!
Aquí temos a mensaxe para que a escoitedes. Saúdos!
Despedimos este curso cunhas recomendacións lectoras para disfrutar este verán, ademáis do enlace á nosa revista escolar, que sempre publica cousiñas que fixemos ao longo do curso moi interesante.
Ata o vindeiro curso!
Para celebrar o 17 de Maio, o alumnado das diferentes aulas escolleu unha canción tradicional galega, que aprenderon e cantaron, escribindo un anaco dela (título, estrofa, retrouso…), nunha peza dun puzle de madeira que, xuntas formaban o mapa da nosa terra.
Desta conmemoración apreciamos o xeito tan sinxelo de explicar que Galicia é a nosa voz e as Nosas Letras.
Saúdos!
As familias do noso cole, a través da ANPA e en colaboración cos mestres, mestras e alumnado do noso cole, recuperamos unha tradición galega moi fermosa: Os maios. A elaboración foi custosa pero marabillosa e, entre as coplas creadas, o alumnado de 5º de primaria encargouse de cantalas, non só no noso cole, senón tamén no Concurso de maios levado a cabo polo Concello de Pontevedra. Aquí vos deixamos algunhas imaxes a través das que podedes acceder a toda a información.
Saúdos!
O noso cole participou en Ponteciencia, cun proxecto moi interesante relacionado co mar, titulado “A forza dos océanos”.
A través de diferentes experimentos, os alumnos de 6º de Primaria, investigaron como se pode obter enerxía da forza do mar e dos océanos, e para isto expuxeron a súa investigación a través da iluminación da bombilla dun faro.
A participación de proxectos coma este, axúdannos a facer máis grande o noso recuncho de ciencia da biblio, que cada ano facemos máis completo.
A través destas imaxes vos deixamos enlaces para acceder a toda a información.
Saúdos!
E chegou o mes de Abril, o mes dos libros! e o momento de saír cos nosos compañeiros e compañeiras do cole á rúa, a ler un libro.
O alumnado dos cursos superiores, apadriñou aos nenos e nenas de cursos máis baixos, para compartir un anaco de lectura dos seus libros favoritos. O noso cole quedou completamente vacío, e a alameda de Pontevedra encheuse de nenos e nenas que, uns lendo, e outros escoitando, compartían o seu agarimo pola lectura.
Se pinchades na foto poderedes acceder á galería do noso cole, para ver máis fotos desta actividade tan máxica.
Igual que estes últimos anos, participamos no Salón do Libro de Pontevedra, con traballos realizados polo noso alumnado, este ano, de Infantil e Primeiro ciclo de Primaria. Como o noso proxecto xiraba entorno ao Mar e os Océanos, sumerxímonos no fondo do mar, para adentrarnos nunha viaxe fascinante e chea de misterios da man de Jules Verne. Así, construimos un Nautilus, que nos serviu para coñecer a imaxinación infinita e chea de inxenios deste escritor frances. De paso, enchemos a nosa Biblio con novas edicións dos clásicos de Jules Verne, como Vinte mil leguas de Viaxe Submarino, a nosa favorita.
E tamén Visitounos Orbil! Que sorpresa!
Se pinchades na imaxe accederedes á galería do cole e poderedes ver algunha fotiño máis.
Saúdos!
Este ano, conmemoramos o día do nacemento de Rosalía de Castro cunha pegada de carteis polo noso barrio. Logo de ler, recitar e cantar poemas de Rosalía, fixemos a súa imaxe máis coñecida entre todo o alumnado do centro, e saímos ás rúas da nosa contorna para anunciar e festexar este día. Grazas a todos os colaboradores: escolas infantís, cafeterías, farmacias, tendas, ximnasios...por permitirnos deixar o noso pequeno traballo en beneficio da nosa Literatura e Lingua Galega!
Outra actividade que nos gusta moito, é compartir lecturas co alumnado.
Nalgúns días programados, os nenos e nenas dos cursos superiores acuden na hora de ler ás aulas de infantil ou primeiro ciclo de primaria para lermos contos. Quedamos pampos escoitando as súas lecturas.
E despois, tócanos imitalos. Encántanos que nos escoiten aos peques tamén!
Grazas compañeir@s!
Samaín e Halloween é unha data moi especial para nós, porque é unha festividade que celebramos cunha mestura de diversión e medo, que nos fai desexala cada ano, nada máis empezar o curso!!!
Este ano con motivo do retraso das obras, pensamos que non a celebrariamos, pero grazas ás familias, puidemos levala a cabo... no noso recuncho especial....para os temibles .....
...RELATOS DE MEDO!!!!
Aproveitando a arquitectura do noso cole, temos un recuncho cheo de misterio, entre paredes de pedra e escaleiras antigas de madeira chirriantes, lugar, onde escoitar lecturas de medo é unha experiencia incrible. Isto é grazas a marabillosa decoración das familias, que fai que o día de Samaín eHalloween sexa inolvidable.
Grazas Familias!
Durante o tempo que non puidemos visitar a Biblio, o que si puidemos seguir mantendo foron as visitas dos nosos familiares para contarnos un conto. Como todos os venres últimos de mes, na hora de ler, disfrutamos das visitas dos pais, nais, avós e avoas, tíos, tías, ou padriños e madriñas!
Grazas, familias!
