O venres, 1 de marzo, o CEIP Plurilingüe Froebel, saíu á rúa para celebrar o Entroido. Como este curso estase a traballar nun Proxecto Documental Integrado chamado “Consumo saudable” que engloba, entre outros temas a educación medioambiental, saímos como voluntarios de Greenpeace para nos manifestar en contra do cambio climático. Deste xeito pretendemos, ademáis de pasalo ben, concienciar á sociedade na búsqueda de solucións necesarias na procura dun futuro máis saudable e en paz.
Saímos ás 11.30 horas e percorremos as seguintes rúas: Martitegui, Praza de España, Michelena, Praza da Ferrería , para voltar do mesmo xeito.
No noso paseo fomos acompañados en todo momento dun numeroso grupo de familiares, simpatizantes e da policía municipal que en todo momento velou pola nosa seguridade.
Cando regresamos, poidemos degustar os diferentes e abundantes manxares que nos estaban agardando e como remate, festa e baile.
