O martes 21 de maio, visitounos o autor do libro OJO DE NUBE e tivemos a oportunidade de coñecer mellor o seu traballo como escritor.
Asistiron moitas familias cos seus fill@s e queremos agradecer desde aquí a súa presencia.
ENTREGA DE PREMIOS
O día 22 de maio tivo lugar, no noso centro, a entrega de premios ao alumnado seleccionado no Concurso de Caroutas, no Concurso de Lectura e no Certame de Contos.
Felicitamos desde aquí aos/ás gañadores/as e finalistas e animamos a todos a continuar esforzándose porque sabemos que ese é o camiño que conduce ao éxito.
O noso maio
Como xa sabedes, participamos na Festa dos maios na Ferrería e acadamos o 2º premio na categoría de coroas. Estabamos moi ilusionados porque o maio estaba moi bonito e os rapaces cantaron moi ben, pero está claro que o xurado non era da mesma opinión. De todos os xeitos, pasámolo moi ben indo a buscar os materiais o luns pola tarde, cosendo flores o martes á mañá e confeccionando maio e coroa o martes á tarde, "man con man", profes, nais, pais e algúnhas antigas alumnas.
LETRAS GALEGAS
Suscribirse a:
Entradas (Atom)